مهدات الى جميع المشرفين والأعضاء في منتدى طيور السلام

شباب هاي الأبوذيات مهدات الى جميع مشرفين واعضاء منتدى طيور السلام
مع فائق حبي واحترامي اخوكم الصغير زيكو


غيابك خلخل اعضامي .. وهدهن
واجر حسرات ببعادك .. وهدهن
آلي دمعات لو ابجي .. وهدهن
تفيض اليابسة ونغرك سويه



ابيك آنة وابد ماكول.. مابيك
يل كلك محنة وشين .. مابيك
غبت عني واكول شبيك .. مابيك
من اغيبن هم يظل بالك عليه


اشكثر خوان راحت ...... ماردتلي
انشلع كلبي وجبدتي .... ماردتلي
غير الخير انته ....... ماردتلي
شح الخير من فركاك الية



ذهب صافي طبعنة...... ما صدينة
وابد عن اليودنة .....ما صدينة
تصيد الناس واحنة.... ما صدينة
رغم نفس المكان انذب سوية




الوكت وياي ياصاحب ولك مال

وكضيت العمر لاناجح ولكمال

حتى الجان يوصلني ولك مل

كطع جيته ولا ينشد عليه


اريد اليوم ابين الضام والضم
يالمنهم عذاب الروح والضيم
حبل حبك اضل بي اشد والضم
واخيط بي فتك ثوب الاذية


اوصي الراح والرد من رساله
شعجب شبساع ينسى من رساله
مشى وودا رساله من رساله
جهنم بالظرف وداها اليه


الي احباب اعلمودك ودعوني
طحت ما شفت واحد ودا عوني
انا بعرسك دعوني ودعوني
نفسهم جانوا يشمتون بيه


عسا كلبك يلم فرحه مايلم هم
خوتك طشرتهم صدك حجيك مايلمهم
لا تشكو للناس جرحا ما يلمهم
صديج الجرح اعلم بالاذيه


بوسـط دلالي نامــي - وانتي ظلي
واذا حُبـــي ظلالــه - انتي ظلي
اشوفچ ؟ وين اشوفچ - وانتي ظلي
اذا جوه الضـــوّه تصيريــن بيه

ان شاء الله تعجبكم
__________________[/center][/size]

عااااااااااااشت الايادي زيكوووووووووووو عالابوذيات الروعه واني اشكرك عني وعن باقي الاعضاء المحترمين بمنتدى المحبه والاخوه منتدى طيور السلام

بس اكثر ابوذيه عجبتني هي

بوسط دلالي_وانتي ظلي

واذا حبي ظلاله_انتي ظلي

اشوفج؟وين اشوفج_وانتي ظلي

اذا جوه الضوه تصيرين بيه


عليهم
وينه الحبوبي هسه


تحياتي


اختك جمانه