وردة البستان ( شعر شعبي )

وردة البستان
صوره من الورد آية لجماله انطاك
تعب بيك و تأثر خالق اسرارك
همل حوه البيده و ترك حتى الطين
التهه يرتب اجدامك ميز اثارك
آية من الجمال و حرت شوصف بيك
شكولن جنت تايه و لكفت نارك
عيونك ليله حلوه و سهرت الجفون
انظر بيهه نجمة صبح تذكارك
وشعرك من يشوفه الليل من بعيد
يصيح بعالي صوته شلون بانذارك
الكمر بيك انبهر من شاف حسن البيك
الشمس طلعت تسولف بيك تتبارك
لم شمـله الورد والـكـاك بس اليوم
وذب روحه نذر من ذبلت ازهارك
الـﮕلب حاربه الصدري و طلع منه اليوم
وقـرر ينتقل من مُـلكي لأيجارك
انا الحاربت بيك تجاوزت البحور
صرت ميدان حسنك صوره لاشعارك
ماظـن انبهر بالغير بعد اليوم
اظل بيك انبهر و بحسنك اتبارك
مع تحياتي / طائر النار

ابدعت وابدع قلمك
في انتظار اشراقتك القادمه

تحيتي لك

فنان دومك ان شاء الله نرى ابداعك على الفضائيات العراقيه والعربيه تحياتي