aliraqstar
عدد المساهمات : 164 السٌّمعَة : 0 تاريخ التسجيل : 18/08/2009
| موضوع: مساجلة دارمي بين شاب وشابه الخميس أغسطس 27, 2009 7:13 pm | |
| مساجلة دارمي بين شاب و شابة
تبدأ القصة في مجلس يجمع مجموعة من الشباب و الشابات , و يبدأ أحد الشباب بهذا البيت من الدارمي
شاب و شبع لوعات و هم طلع شيبة ___والفرح عنة بعيد و بلا حبيبة
فترد عليه إحدى الشابات :
طم روحك بسرداب و الطم لطم ميت ___كل ربعك مكبلين بس انت ظليت
الشاب: هم ردت أطم الروح بسردابي گوة ___بس شفت فارة و فار بالختلة جوة
الشابة: تتغازل الفيران وانت التباوع! ___مو بس تطم الروح .دكها بمدافع
الشاب: هم جبت مدفع زين ,گلبي ارد أهفة ___بس شفت قنبلتين ,شفة اعلى شفة
الشابة: جانت تعوزك هاي ,حب القنابل___ماتگلي حظك ليش وياك قافل
الشاب: ما اريد أهيج جروح خل أمشي أحسن___وابعد بعيد هناك و بروحي اسحن
الشابة: لا عمي,لا هيهات هاليوم أعوفك ___خليني أمشي وياك وافهم ظروفك
"ينهض الاثنان و يسيران معا,تاركين المجلس"
الشاب: بس مشيج انت وياي مابي دواية ___سلعة و لفظها السوگ ,گلبي و هواية
الشابة: خافن عليك تروح تلبسلك حزام ___و بواحة العشاگ اتفجرة وتنام
الشاب: مو ذنب اهل الشوگ ماعندي محبوب ___يجوز بجهرتي عيوب مانحب فرد نوب
الشابة: عمي الزلم أخلاق مو بالمظاهر___و گلب البنت مفتوح للگلبة طاهر
الشاب: كل ظنج الگى گليب يخفگ لملگاي___وبشوفي يفرح دوم و يگلي ياهواي!
الشابة: الگلب بالتشريح تشوفة نصين ___نص لمسير الدم و نص للمحبين وكل احنا عدنا انصاص,هم الها ثاني___ولا بد ينول الحب كلمن يتاني
الشاب: يابة شكثر تانيت گربت أأيس ___وگلبي الخفگ من جان البكري ريّس بس والله هم معقول حجي الحجيتيه___اشگلتي لو تبنين گلبي و تسكنيه؟
الشابة: لي هسة ما حسيت !وك آنا أحبك___و من (طلعن الشيبات)وآنا اعلى دربك ونشدت گلبي اعليك ,گال انت حباب___بس رادك تناغيه حتى افتح الباب
الشاب: و فكرت ب(التفخيخ)وب(طمة السرداب)___ثاري الأمر محلول وي دگة الباب بس انت حلوة هواي وآني قدي و عوع___ولو شافت أم وحام وجه العلية تزوع
الشابة: شلّي آنا بأم وحام و شلّك معاها___إنت شريج الروح ,ميها و ضواها
الشاب: گلبج صدگ وياي أفديلة گلبي ___و خل تسمع العشاگ ,بس انتي حبي
الشابة: و بواحة العشاگ سجل إسمنا ___نحجز مكان هناك و الحب يلمنا
و سلامتكم | |
|
زيكو
عدد المساهمات : 639 السٌّمعَة : 1 تاريخ التسجيل : 10/07/2009 العمر : 38
| موضوع: رد: مساجلة دارمي بين شاب وشابه الجمعة أغسطس 28, 2009 4:29 am | |
| عاشت ايدك يامبدع الموضوع جدا جميلات ودارميات روعه اتمنالك المزيد من التوفيق تحياتي اخوك زيكو | |
|
AQEEL
عدد المساهمات : 360 السٌّمعَة : 3 تاريخ التسجيل : 18/07/2009 العمر : 43 الموقع : www.youtube.com
| موضوع: رد: مساجلة دارمي بين شاب وشابه الجمعة أغسطس 28, 2009 7:04 am | |
| | |
|
aliraqstar
عدد المساهمات : 164 السٌّمعَة : 0 تاريخ التسجيل : 18/08/2009
| موضوع: رد: مساجلة دارمي بين شاب وشابه الجمعة أغسطس 28, 2009 11:51 am | |
| مشكورين على ردكم الرائع واتمنى الكم التميز بالمنتدى
مشكور زيكو وعقيل | |
|