aliraqstar
عدد المساهمات : 164 السٌّمعَة : 0 تاريخ التسجيل : 18/08/2009
| موضوع: شيفيد القصر الإثنين أغسطس 24, 2009 7:10 pm | |
| التلاميذ التسيء أگبال الاستاذ الخلل بستاذهم مو بالتلاميذ واذا حاسد تعرفه وعينة قناص أنصحك من يمر تقرة التعاويذ ؟؟ الوكت كلش صعب واضح يهناس لچن واجب نقاوم خاطر انعيش ونشغل عقلنه بساعة الظيج ونميز الحمامة امن الخفافيش الريش شگد خفيف بنظرة الناس لچن ثگل الطيور بلمة الريش أكو كلمة بنت لبنادم امال واكو كلمة تفلش اماله تفليش ؟؟ وشيفيد القصر شتفيد الاموال أذا التفكير محتل عرش الدماغ وعار اعله المضيف وراعي المضيف أذا ماكو دلال بحضن الوجاغ نعم العگال هيبه ويرفع الراس لچن يفگد الهيبه بغير الشماغ فرق بين الكلامه اشلون ما چان وبين الي كلامه اصياغه ينصاغ الأبو أكبر فراغ يسده بالبيت وچذب بغيابه واحد يملي الفراغ ؟؟ وغلط عالحجم تحسب أي بشر چان واذا تسئل الليش احچيلك الليش أكو كلش ضعيف ويعبر انهار واكو كلش جثل ويغرگه الگيش فرق بين الي يشرد من صدى الصوت وبين الي برز ويقاتل بجيش عقلك أني اعرفه يوزن الكون لتخلي اعله عقلك يركب الطيش على حدود المبادء شيش موجود وايالك وبالك تعبر الشيش
الشاعر احسان القريشي | |
|