الافلام الاكثر مبيعا في دور السينماالعراقية

--------------------------------------------------------------------------------

هلو شباب شلونكوم
اليوم جبتلكم الافلام الاكثر مبيعا في دور السينماالعراقية
والعالمية
تفرجووياية

الفلم الاول
انطفت الكهرباء

فلم رعب جدا رعب يحكي من تنطفيالكهرباء بالعراق شنو يصير بالناس بالعراق ومن صوره البوستر تعرف شنو يصير من تنطفيالكهرباء بالناس الفلم بيه الفاظ بذيئه هواي كلش هواي لانه من تنطفي الكهرباءالعراقي يكوم يفشر فشار من هذا الاوكي على الحكومه وعلى زوجته وعلى اطفاله وعلىالفانوس وبالاخير من يخلص يكوم يفشر على روحه الفلم بالاسود والابيض لانه ضلمه هماتبين الالوان
مطفيه الكهرباء وبالنسبه للعراقين الذي يريدون يشفون الفلم يسافرون اما الى الاردن او الى سوريا الكهرباء هناك اوكي

الفلم الثاني
ردح العماره هيجوهيج

فلم استعراضي لمحبين الدك والركص من بطوله خضيريابو عزيز وصديقته الملايه وناصر حكيم وضيف الشرف كاظم الساهر يحكي الفلم قصه شاب من المشخاب يدخل مسابقه مال ردح بالعماره
ويتعرف على فتاة من الديوانيه وتصير قصه حب بيناتهم بالناصريه ويتزوجون بالسماوه
والفلم من بدايته الى نهايته بس ردح حتى من يزوجون هم ردح بس هذا الردح مال الزواج مابيه هيج وهيج لانه مانكدر نحجي يطردونا من المنتدى
الفلم الثالث

تانيتك وما اجيت يالغالي

اسم الفلم تانيتك اي انتظرتك موتياتانك هذا فلم من بطوله امل طه والفنان القصير سعد خليفه
فلم رومانسي يحكي قصةحب صارت في زورق بالاهوار جنوب العراق فلم كله حب وغزل وعواطف يمنع دخول المتزوجين لانه اخاف من مشاهد الفلم الساخنه تروح تتطور الحاله بيناتهم وهم كاعدين بالسينماالدخول فقد للمتزوجين مافوق سن 80 سنه لانهم وصلوا سن الاكسباير

مع تحياتي

عاشت الايادي وردة والله موضوع متميز ورائع

» لوكسمبورج& الدنمارك الاكثر درايه بالحاسوب في اوربا
» موقع الكتروني يسمح بمشاهدت الافلام مجانا عبر الانترنت