مشرفنا الغالي (زيكو)ضيف كرسي الاعتراف

اولا احب اشكرك اخويه الغالي ئالين على استضافتك الي لكرسي الأعتراف
بس ليش لهدرجه تكرهني شدعوه هاي الأأسأله
يرادلها سبوع حتى تخلص

نبلش بسم الله الرحمن الرحيم

اسمي احمد
عمري 23
شهادتي طالب جامعي
هوايتي السباحه وسياقة السيارات
طولي 183
وزني 67

أبلغت بخبر سار من أول من تشاركه فرحتك؟
امي العزيزه

من زيكوخارج وداخل نطاق الأنترنت ؟

انسان جدا عادي يحاول يسعد كل من حوله
المن تكول ياريت معرفتك؟

صديق طعن ظهري يوم من الأيام

اتقي شر من احسنت اليه

ماهي الصفة التي يصفها بك الاخرون؟

حساس زياده عن اللزوم وعصبي

سر لاول مره تقوله لنا
ما عندي اسرار

هل الحب الجديد يمحي الحب القديم و يطيب الجراح؟

طبعا وخصوصا اذا الحب الجديد متكافئ من جميع الأطراف



ماهية أمنيتك في الحياة؟

احصل على شهاده الدكتوراه


دمعت عينك من الحب؟

للأسف نعم

ماهو موقفك في الحب؟ و هل جربته؟ وهل تؤمن بوجوده؟

احلى شي بحيات الأنسان هو الحب والحيات بدون حب مستحيله


أحلى كلمة سمعتة بحياتك؟

الله يحميك من تكولها امي
وكلمه احبك من الأنسانه الأحبها



إيهما إقرب إلى قراراتك ( الجرأة - التروي – التردد(

الجراه


أملاء الفراغات الآتية:
.............. متشاقلك هواااية

صديق عزيز على قلبي خارج العراق
.
............ أنت قمة الأبداع و التميز
الوالد الغالي

............ ياعيني على خفة دمك

العضو المحبوبه اميره الحب


........... الله يحفظك و يخليك النه

امي وابي
........... أنت رمز الوفاء
جمانه

........ اقدملك شكري و إمتناني

الوالد

ماذا تقول للي يخونون بالحب ؟

الله ينتقم منك لأن كسر بقلب حبكم من كل اعماقه




مامعنى كلمة الصداقة في نظركَ؟

الوفاء الخوه الحنيه الأعتماد الثقة
شنو هدفك في الحياة ؟
الحصول على رضى الوالدين والحصول على شهاده الدكتوراه انشاء الله

حينما يدخل أحد في خصوصياتك ماهي رد فعلك؟

اذا كان الشخص قريب على قلبي مو مشكله بس اذا شخص عادي ما اسمح له

لو خيروك بين كل من ........ شنو تختار ؟
عقلك أو قلبك

عقلي

صديقك أو حبيبك
اذا حبيبتي تستاهل فاختارها


لو عندك حفلة لماجد المهندس و عمر ذياب و عندك (4 ) بطاقات لمن تحب

اني وحكيم وجمانه وزمرده

هل تؤمن بتفوق الرجل على المرأة؟
مو دائما

لديك مصباح علاء الدين ثلاث أمنيات أطلبها ؟
اتزوج الأنسانه الحبها و اشتري احسن بيت واشتري احدث سياره سبورت بالعالم وطبعا ازور فرنسا صارو اربعه



من كاتم اسراركَ؟

[color=violet]اختي الكبيره [/


وهاي الاسئلة عن الاعضاء وان شاء الله اتجاوب عليها
وبصراحة يعني اهم شي الصراحة هع هع

لا هنا راح نتخارب الله يستر

إعضاء تحب التعرف عليهم إكثر ؟

همسه واسمر

أي الأعضاء تحب تقراء مواضيعه؟

كل المواضيع تعجبني اقراهن

عضو ترغب برؤيته وجهاً لوجه.
ئالين

إكثر عضو تعجبك مواضيعه؟

جمانه وزمرده

عضو تلقبه بسوبر ستار المنتدى ......

حكيم

عضو تقوله (ياغايب ليه ماتسأل

الكسندرا

عضو تقوله الله يجزاك خير ويعطيك العافيه.......

حكيم

عضو تقول له الله يسهل لك .........

جمانه

ئالين والله راح يصير مفاشل وزعل بسبب اسألتك

عضو شعبيته كبيره ومحبوب عند غالب الاعضاء........

جمانه

عضو مثقف.....

زمرده

عضو مرح ...

ابو الحب

عضو ذوووواق........

ئالين

متى تكون في قمة سعادتك ...؟

من اشوف الكل راضي عني


ما هي الميزة التي تمتلكه ولا يعرفها عنك معظم الناس؟

حنون واحب من كل اعماق قلبي

ورقة وقلم ماذا تكتب عليها ولمن توجهها ؟

الله ينتقم منك لشخص خان الثقة

فتره معينه في حياتك تتمنى ان تتكرر ؟؟
فتره الثانويه

ما هي المعايير التي تبني عليها علاقاتك بالآخرين؟

الثقة و الأحترام

بشنو تفكر فيه الان ؟؟

المستقبل المجهول

كلمة توجهه لي ؟؟

اشكرك على الأستضافه بس ليش هاي الأسأله المحرجه ههههههه

متى نقول عن الأدب بأنه قلة أدب؟؟

عندما يخرج عن الحدود


إلى اي مدى وصلت قناعتك بنفسك وهل اكتفيت عند هذا الحد ؟؟

الحمد لله اني قنوع بنفسي بس بعدني موصلت لطموحي

ما الذي لم تجده مسطرا في كتاب الحياة ؟

الوفاء

حدد موقعك في تاريخ الحب وخارطة الأحزان ؟؟

ههههه موقعي غير مستقر اما خارطه الأحزان فهي قريبه عني

متى يكون الهروب هو الاتجاه الصحيح ؟؟

ابد ما اشوف الهروب هو اتجاه الصحيح لأن المواجه افضل من الهروب حتى لو تعرف انك خسران

عن ماذا تبحث في حقيبة الماضي ؟؟

عن كلمه سمعتها من انسانه قريبه من قلبي والأن للأسف نكرت هذه الكلمة
ما أجمل قصيدة قرأتها بنظرك ؟؟

قصيدة الشاعر المبدع نزار قباني ( الى حبيبتي الغالية )

الطفولة أجمل مراحل يمر بها الانسان , موقف لا زال عالقاً

اجمل موقف بحياتي يخص طفولتي سفري مع العائله الى لبنان

ذهنك من أيام الطفولة..؟
اي ايام الروضه
البعيد عن العين بعيد عن القلب ما رأيك

صحيحه بس مو دائما
اذا جرحك شخص وطلب منك السماح ماذا تفعل ؟

اذا يستاهل السماح اسامحه

هل انت عنيد ؟؟؟ هل أنت عصبي

عنيد وعصبي
في نظرك ؛هل الحب كـ النحت على الصخر يدوم طول العمر

اذا يحتوي على التفاهم يدوم طول العمر

من هي المراه الخائنه ومن هي المراه التي تخلص لحبيبها؟؟ (( برأيك أنت
شنو رئيك بالحب؟

المرأه الخائنه هي التي تتخلى عن حبيبها وهو في اشد حاله والمرأه التي
تخلص لحبيبها هي التي توفي لحبيبها وتبقى معه في السراء والضراء
كم مرة حبيت بـ حيات؟

مرتين

هل تحب حاليا؟
نعم

إذا كنت تحب ما هو اسمه؟

اسف لا استطيع

و إذا انفصلت عنه ما هو السبب؟

اذا حسيت بيه يشوف نفسه احسن مني واذا حسيت بيه يكابر وطبعا اهم من كل هذا
اذا حسيت انه يخوني

تفضل الصداقه ام الحب

الحب وبعدين الصداقه
رئيك بالحب عن طريق النت

فاشل

برايك هل الحب قبل عمر ال 18 يعتبر لا شيء (مراهقه يعني)؟ ليش؟

طبعا يعتبر لاشيء لأنه الشخص بهذا العمر لم يكتمل عقله جيدا

هل لديك الجرأة بـ ان تقول اسم حبيبك او الذي
أحببته امام الكل؟

عندي هذه الجرأه بس هذا الشي راح يسبب له احراج واني ما احب احرج احد


اخيرا خلصت اسألتك ئالين
هذه مو اسأله هذه انتقام


تحيااااااتي الك يا مبدع

اخوك زيكووو

مشكوووووور حبيبي ئالين على الستضافة الخفيفه

وانشاء الله مطولت عليكم بالجوبه

واني مستعد على الأجابه على جميع اسألت الأعضاء


تحياااااااتي للجميع

اخوكم زيكو

اول شئ اشكر الاخ ئالين مشرف القسم على الاسئله الروعه تصلح محقق اخي ئالين هههههه
وثاني شئ ارحب باخي وصديقي مشرف المنتدى الفرنسي زيكو اهلا بيك زيكو
وان شاء الله يتسع صدرك للاسئله وجوابك يكون صرررررريح

ابدي بالاسئله

1 - حول سؤال ئالين ( الحب الجديد يمحي الحب القديم ) جوابك متأكد من عنده

2 - اذا شخص خانك وافتر بيه الوكت وطلب منك مساعده - تساعده ؟

3 - اذا اعز صديق الك عزمك على زواجه وكانت الزوجه الفتاة الي حبيتها . شتسوي ؟

4 - ما الفرق بين الحب والرومانسيه ؟

5 -قالت الي العصفوره ان زيكو كان يلعب حديد وكان يأخذ ابر لتكبير العظله ومنشطات . هل هذا الكلام صحيح ؟

6 - هل زيكو ممن يأخذون النصيحه ؟ او يسمع النصيحه ولا يعمل بها ؟

7 - اذا خيروك بي اعز صديق وحبيبك فمن تختار ؟

8 - هل مستعد ان تنتظر الشخص الي تحبه لعشر سنوات لكي يقولك اني احبك ؟

9 - تستطيع تحب اكثر من فتاة بنفس الوقت ؟

10 - تقدر تبتسم اذا زعلان ؟

11 - هل الحب احساس ام اخلاق ؟

وبقيت الاسئله من اتجاوب بس لا تزعل ههه لان هاي نص الاسئله

احب ارحب واشكر اخويه الجبير حكيم الورده بس ليش هيج
طلعه مو خوه طلعت .....
بعيني الك حكيم

ونبلش ب أسألتك يا الله


1 - حول سؤال ئالين ( الحب الجديد يمحي الحب القديم ) جوابك متأكد من عنده

شوف حكيم الحب القديم ابد مينسي بس الحب الجديد راح ايخفف ويحاول اينسي والحمد لله الله سبحانه وتعالى انعم على الأنسان بنعمة النسيان


2 - اذا شخص طلبت من عنده مساعده وما ساعدك وافتر بيه الوكت وطلب منك مساعده - تساعده ؟
والله اساعده وصارت وياي

3 - اذا اعز صديق الك عزمك على زواجه وكانت الزوجه الفتاة الي حبيتها . شتسوي ؟
وحده من الثنين لو امشي واغلس واكول هي متستاهل لو اقتله واقتلها وياه

4 - ما الفرق بين الحب والرومانسيه ؟
شوف الحب والرومانسية شيء لا يتجزء لأن لايوجد حب بدون رومانسية ولايوجدرومانسية بدون حب


5 -قالت الي العصفوره ان زيكو كان يلعب حديد وكان يأخذ ابر لتكبير العظله ومنشطات . هل هذا الكلام صحيح ؟
ههههه هذا الكلام مو صحيح اني من لعبت حديد اخذت مكملات غذائيه لا اكثر ولا اقل والعصفوره مالتك ينرادلها كص جناح

6 - هل زيكو ممن يأخذون النصيحه ؟ او يسمع النصيحه ولا يعمل بها ؟
زيكو من الي يسمع النصيحه بس مو شرط يطبقها حسب قناعته واني اعرف شنو قصدك
بس مو دائما لا اعمل بالنصيحه


7 - اذا خيروك بي اعز صديق وحبيبك فمن تختار ؟
هذا يمكن اصعب اختيار يواجهني بحياتي بس تريد الصدك اذا صديقي وسند ظهري يستاهل اعوف حبيبتي لأن الحب احتمال يجي ويروح بس الصديق المظبوط اذا راح بعد وين تلكي مثله


8 - هل مستعد ان تنتظر الشخص الي تحبه لعشر سنوات لكي يقولك اني احبك ؟
اذا احس بيه من صدك يحبني ويستاهل والله انتظره لو مو عشر سنوات انتظره اربع سنوات


9 - تستطيع تحب اكثر من فتاة بنفس الوقت ؟
ادري هو قلب لو تاته حتى احب اكثر من وحده بنفس الوقت طبعا لا استطيع

اي الحمد لله خلصت اسالتك حكيم بس تدري
هسه اتاكد انت ناصريه بعيني تتلاكه الوجوه

تحياااااااتي الك يا احسن اخ وصديق بالدنية

بسم الله الرحمن الرحيم

احب اشكرك اخويه ئالين الورده على الأستضافه للمره الثانية
بس ليش تكرهني مصدكت خلصت من اسألتك

نبلش بالجواب يا الله

شنو مواصفات المراة الي تتمناها تكون شريكة حياتك

مؤدبه متدينه حنونه حبابه صاحبه اخلاق عاليه متواضعه متكابر وبعدين جميله

حبي شنو اكلتك المفضل

سمك مسكوف هم هم

هل تعتقد أن اللسان قد يدمر كل مابناه الأنسان ؟ جاوب

طبعا انت مسامع لسانك حصانك ان صنته صانك وان خنته خانك

هل تؤمن بالابراج ؟ليش

اني غير مؤمن بالبراج بس احب اتفرج عليها كذب المنجمون ولو صدقو

شنو شعورك وانته هنا قاعد على العرش؟

شعور جميل بس بيه شويه ارباك

كم ياخذ النت من وقتك اليومي

قبل كان ياخذ معضم وقتي بس حاليا مو هواي


ما هي المجالات التي تتمنى ان تأخذها منهاجا في حياتك
اتمنى ان اتخذ المجال العلمي منهج في حياتي

هل لي ان اعرف مفهوم ( الحريه ) لديك ؟
الحريه عندي عدم التقيد بس بحدود

اعتذار المرأه للرجل ذل أم احترام للذات
قمه الأحترام و الخلق العالي

اسوأ ذكرى تتذكرها الان ؟
ذكرى تفجير الجامعة المستنصرية قبل كم سنه صار الأنفجار امامي وكثير من اصدقائي ماتو بهذا الأنفجار

سؤال اجباري الاجابه عليه وهو
جم مرة حبيت؟ وجم بوري مضروب لحد هسة؟
حبيت اكثر من مره بس ممضروب بوري

عندك حب حاليــــا ؟
اي عندي

لونك ورقمك المفضلين ؟
لوني المفضل الزهري ورقمي المفضل 2

تفضل تتزوج لو تظل اعزب ؟
افضل الزواج

موقف محرج صار بيك ؟
يوم من الأيام ضربت شخص كنت متوقعه صديقي واندار عليه وطلع شخص ما اعرفه الله ستر مكتلني

؟
ماهو المقياس الذي من خلاله يقيم علي اصدقائه ؟
الثقة الأمانه الاخلاق

اكثر 3 محطات فضائية يشاهدها زيكو في التلفاز ماهي؟
روتانا وmbc4,mbc2

راح انطيك هدااايااا وانت اهديها لاي شخص
سيارة : ل ابويه ما انطيها
موبايل : لحبيبتي
قلم : ل اميرة احب تطلبني هواي اقلام
دبدوب : لجمانه
ساعة : لوالد
باقة ورود : ل أستاذتي العزيزه ست لقاء
لاب توب : لمحمد اخويه
صمغ اميري : لحكيم ههههههه

علاكة سودة : ل ابو الحب
الساعة بيش هسة عندك؟
هسه الساعه الواده وربع مساءا

لكم مرة بعت الحاسبة وشتريت؟
3 مرات

رتب هذه الكلمات على حسب اهميتها عندك
المال - الحب - الصديق - المستقبل المهني - العائلة
العائله - المستقبل المهني - الحب لصديق - المال

متى يحل الصمت بدل الكلام عندك ؟
اكون في قمه الصمت عندما اكون من مقهور من شخص قريب مني

هل شعرت يوماً بانك اسعد مخلوق على وجه الأرض ؟ متى ؟ ولماذا
شعرت باني اسعد انسان بالكره الأرضية قبل سنتين ولكن لماذا اعذرني

اي الاعضاء تراه
مبدع؟ زمرده و ئالين
هادئ؟ الكسندرا
مشاكس ابو الحب
نشيط؟ حكيم
محبوب؟ جمانه


تعبت من الاسئلة لولا ؟
اي والله تعبت

منو تحب يتأسف لك؟
شخص جرحني وما اعرف شنو السب


ما سبب اختيارك لاسمك الحالي في المنتدى ؟
اني بالبيت وبالمنطقة يسموني زيكو


ما هي التغيرات التي طرأت على الفتاة العراقيه المعاصرة في عصر التكنولوجيا؟
طبعا مو جميع البنات طرات عليهم تغيرات بس مع الأسف هناك الكثير من الفتيات اتجهو اتجاه غير صحيح بحجه تطور العصر

عند انتهاء استضافك في كرسي الاعتراف من ترغب ان يكون بعدك ولماذا؟
ارغب ان تكون بعدي العضوه المميزه زمرده لأنها لم يصلها دور الأستضافه

تحيااااااتي الك اخ ئالين وشكرا على اسالتك الجميلة
واتمنى مطولت عليكم بالجواب

اخوك زيكو

مشكور اخويه حكومي على اسالتك الأنتقاميه بس راح اجاوبك


1 - حول السؤال الاول العصفوره اتقول زيكو عنده تجربه وحاول ينسه الحب الاول وما قدر هذه الحجي صحيح لو لا ؟وقالت حب اثنين بنات وما قدر ينسه ؟
هذا الحجي صحيح لأن الحب الأول ابد مينسي

2 - وحول السؤال الخامس العصفوره اتكول ماكو مكملات غذائيه تسوي عضلات خلال ايام وتكول اني الحجي متأكده منه شنو رايك ؟ واتكول العصفوره ميقدر يكص اجناحي لان اصلا ميوصل الي ههههه
لا اكو مكملات غذائيه وعصفورتك مو بس راح اكص جناحا راح املص راسها


3 - خول السؤال الثامن شئ طبيعي تنتظر اذا عرفت الشخص يحبك او حسيت بيه بس السؤال جان محدد يعني الشخص الي تحب متدري بيه يحبك لو لا . تنتظره عشر سنوات لو لا ؟
اي انتظر


4 - هل تستطيع تبتسم وانت زعلان ؟
لا استطيع

5 - هل تبكي عند موت من ظلمك يوما ما ؟
لا

- هل انت راضي عن نفسك ؟
اي راضي عن نفسي


7 - هل انت متسرع باطلاق الاحكام على الغير ؟
تقريبا


8 - كم شخص تكره بدون سبب ؟ واريد الصراحه بهذه السؤال

اذا ماكو سبب شلون اكرها ماكو احد اكرها بدون سبب

تحيااااااتي الك
بس اكلك شغلة وحده الله كريم

مساء الفل والياسمين على ارق الكسندرا بالدنية
احب اشكرك اختي العزيزه على اسالتك الجميله
وانشاء الله اجاوب عليها كلها بصراحه

انبلش يا الله


1_ من تعتبر قدوتك بالحياه بعد الرسول صلى الله عليه وسلم ..؟
الوالد الغالي


2_ خطوه او اي شي سويته بحياتك وتحسفت عليه ..؟
ضيعت ثلاث سنين من عمري بالتنقل بين الكليات


3_ ماهي مواصفات فارسة الأحلام ..؟
متدينه حبابه تسمع كلام مؤدبه متواضعه


4_ شخصيتك من النووع المتفتح أو المحافظ وشديد على كل شي ..؟
من النوع المتفتح


5_ هل مرة حسيت بقهر او حقد على عضو ما ؟؟
بس مره وحده ضجت من احد الأعضاء بس ماحاقد عليه


6_ أول إنســآن إذآ شعرت بحزن تفضفضلــه ؟
اختي الكبيره

7_شنو وجبتك المفضله؟
السمك


8_شنو موقفك من الحب....؟هل تؤآمن بوجودهـ....؟هل تحكم قلبك ام عقلك فيه...؟
الله ماكو شي احلى من الحب خصوصا اذا كان متكافئ من جميع الأطراف
وفي اكثر الحالات احكم قلبي قبل عقلي


9_من وجهـه نظرك هل طيبه الانسآن تكون أحيآنآ مصدر لتعآسته..؟
اي في اكثر الأحيان الطيبه تكون مصدر لتعاست الأنسان


10: شخص تعتز بالتعرف عليـه ؟ وشخص أخر انتِ مدين له ؟
جميع اعضاء المنتدى اني اعتز بالتعرف عليهم


12: حمامة زاجل إستقرت على نافذتك تحمل رسالة من مجهول فممن تتمنى أن تكون ؟
اتمنى ان تكون من حبيبتي


13: قطعة فحم صغيرة وجدار نظيف ماذا سترسم عليها ؟
ارسم عليها قلب الحب

14: ماذا ستكتب تحت الصورة الي رسمتها ؟
احبك الى اخر نفس في صدري


15:صـف لنـآ نفسـك في سطريـن ...؟!
الكسندرا من مدح نفسه ذمها بس اني انسان احاول اسعاد جميع من حولي
والناس توصفني بحساس زياده عن الزوم وعصبي واني ماشوف نفسي لهدرجه
بس اكو ناس ميدرون شكد حنون وعاطفي و وفي


16:أهم 3 أعضــآء تتـآبـعهم ...؟!
جمانه وزمرده وحكيم


17:مـآشعورك عنـدمـآ تـوآجـه شخـص لأ يستطيع تفهمك ...؟!
هذا اصعب شي بس احاول افهمه واذا لم استطيع اتركه


18:شنو معنى الراحة و الألم بالنسبة لك ؟؟؟
الراحه : عندما يكون الجميع يحبني ويحترمني وقمه الألم عند وجود ناس يكرهوني ولا يحترموني


19:_ شنو افضل موضوع قرأيته وأثر فيك ؟؟؟
طفلان عاشا في القبر 15 يوم

20: أرجو ان تعطينا فكرة بسيطة عن عداتك الروتينية؟
مثل باقي الشباب احب اروح للنادي والتجول بالسواق والذهاب للمطاعم
واحب اقره الشعر والخواطر لاكن مع الأسف لا اعرف اكتب الشعر


21:هل انت راااضي عن نفسك ؟؟
الحمد لله راضي عن نفسي

اشكرك اختي العزيزه الكسندرا
تحيااااااتي

السلام عليكم عندي للاخ زيكو فد كم سوال مو اكثر من 44454647856796 سوال بس ماكو ترك ولا حذف جاوب كلهن

1- نقطة ضعفك داخل الجامعة ؟؟؟ سوال خبيت ادري هع هع

2- من تنام خوما ( هاي باياباني عادي مو ) تنام حافي ارجو الجواب

3- ماهي الامنية الي مااتمنيتها بس صارت صدفه ؟

4- اصعب لحظة بحياتك شلون توصفها ؟

5- اكبر طسة بفرعكم شكبرها وكم مره وكعت بيها


تحياتي الك والي رجعة اخوك مؤيد

سلام عليك اخي وصديقي العزيز زيكو
طبعا اصدقائي الاعضاء مخلوو شي مكالوه
بس عندي كم سؤال وهي :-

1_لمن تتأنق كل يوم؟
2_عندما ترى صورة حفلة التعارف وصورة حفل عيد ميلادك الذي كنت انا ضيف فيه ماذا تشعر؟
3_ماذا تعني لك هذه الكلمتين (العراق بغداد)؟
4_ماهي المشاريعك المستقبلية ان شاء الله؟
5_ليس كل مايلمع ذهب لمن تقولها؟

تقبل تحياتي ((خلي نفسك بعز دوم بالك تذلها ولا تطلب الحاجات الا من اهلها))

بسم الله الرحمن الرحيم

اشكرك اخويه الغالي مؤيد على اسألتك الخبيثة بس راح اجاوبك عليها
1- نقطة ضعفك داخل الجامعة ؟؟؟ سوال خبيت ادري هع هع
الحمد لله ماعندي نقطه ضعف داخل الجامعة هع هع


- من تنام خوما ( هاي باياباني عادي مو ) تنام حافي ارجو الجواب
ههههههه لا اطمئن انام حافي

3- ماهي الامنية الي مااتمنيتها بس صارت صدفه ؟
متمنيت ان ابقى بالجامعة كل هاي الفترة
4- اصعب لحظة بحياتك شلون توصفها ؟

اصعب لحظه من اكون بموقف محرج وما اعرف شلون اطلع منه


5- اكبر طسة بفرعكم شكبرها وكم مره وكعت بيها

اكبر طسه بحياتي مو بفرعنا من اتعرفت عليك قبل 10 سنين


تحياااااتي الك يا مبدع اخوك للأبد زيكو

السلام عليكم ورحمه الله وبركاته

احب اشكرك اخويه الغالي عقولي واكلك اني كلش كلش مشتاقلك واتمنى اشوفك
ولو انت كاطع صاير متسال

واشكرك على اسالتك الجميله

وراح اجاوبك على اسالتك جميعها انشاء الله

1_لمن تتأنق كل يوم؟
اني اتأنق كل يوم لنفسي

2_عندما ترى صورة حفلة التعارف وصورة حفل عيد ميلادك الذي كنت انا ضيف فيه ماذا تشعر؟
اشعر بالسعاده واتمنى ترجع هذه الأيام

3_ماذا تعني لك هذه الكلمتين (العراق بغداد)؟
العراق وبغداد كلمتان يعجز لساني عن وصفهما لأ، لا يوجد وصف كامل لهما

4_ماهي المشاريعك المستقبلية ان شاء الله؟
انشاء الله انشاء الله اكمل الماجستير
5_ليس كل مايلمع ذهب لمن تقولها؟
اقولها لأنسانه عزيزة على قلبي

اشكرك ياورده على الأسئلة الخفيفة

تحيااااتي الك اخوك زيكو

[/quote]بسم الله الرحمن الرحيم

اشكرك اخويه الغالي مؤيد على اسألتك الخبيثة بس راح اجاوبك عليها
1- نقطة ضعفك داخل الجامعة ؟؟؟ سوال خبيت ادري هع هع
الحمد لله ماعندي نقطه ضعف داخل الجامعة هع هع


- من تنام خوما ( هاي باياباني عادي مو ) تنام حافي ارجو الجواب
ههههههه لا اطمئن انام حافي

3- ماهي الامنية الي مااتمنيتها بس صارت صدفه ؟
متمنيت ان ابقى بالجامعة كل هاي الفترة
4- اصعب لحظة بحياتك شلون توصفها ؟

اصعب لحظه من اكون بموقف محرج وما اعرف شلون اطلع منه


5- اكبر طسة بفرعكم شكبرها وكم مره وكعت بيها

اكبر طسه بحياتي مو بفرعنا من اتعرفت عليك قبل 10 سنين


تحياااااتي الك يا مبدع اخوك للأبد زيكو[quote]


هههه حياك الله حبي بس يمكن اكثر من 10 سنوات عبالك ذالك اليوم الي رجعة الك ياغالي اخوك مؤيد وشد حيالك بالقواعد تره كلش صعب