الرئيسيةالمجموعاتبحـثالتسجيلدخول
بحـث
 
 

نتائج البحث
 
Rechercher بحث متقدم
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
سبحان الله
المواضيع الأخيرة
» ممرض كان يعمل في غرفة تبريد الأموات
الثلاثاء يوليو 01, 2014 2:18 pm من طرف hakim aliraqi

» متن لامية ابن الوردي
السبت مايو 10, 2014 4:17 am من طرف oubidane

» رونالدو يعاند فريق ريال مدريد الطبي ويريد المشاركة ضد سلتا
السبت مايو 10, 2014 4:02 am من طرف oubidane

» قصيدة L'invitation au voyage مع الترجمه والتحليل
السبت أغسطس 17, 2013 9:46 am من طرف ئالين

» التفريق بين المؤنث والمذكر في اللغة الفرنسية
الجمعة أغسطس 16, 2013 3:45 pm من طرف رونق حسين

» حضارة وادي الرافدين بين الساميين و السومريين
الثلاثاء يوليو 02, 2013 3:37 pm من طرف Simo Al-Babily

» قاموس المترادفات باللغة الفرنسية
الإثنين ديسمبر 24, 2012 1:37 am من طرف hakim aliraqi

» Le Lac "البحيرة" .. قصيدة فرنسية مترجمـــة
الأحد ديسمبر 23, 2012 9:13 am من طرف رونق حسين

»  HUGO Victor – Notre-Dame de Paris mp3
الأربعاء ديسمبر 19, 2012 2:11 am من طرف hakim aliraqi

أفضل 10 أعضاء في هذا المنتدى
جمانه
 
طائر النار
 
زيكو
 
hakim aliraqi
 
ئالين
 
zomorda
 
AQEEL
 
الكسندرا
 
aliraqstar
 
abo love
 
relojes web gratis
عدد الزوار من تاريخ 17 /9 /2009

.: عدد زوار المنتدى :.

المتواجدون الآن ؟
ككل هناك 3 عُضو متصل حالياً :: 0 عضو مُسجل, 0 عُضو مُختفي و 3 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 173 بتاريخ السبت ديسمبر 10, 2011 2:41 pm
برامج تهمك
 

 

 

 

 

  

 

 

 

 

 

 

شاطر | 
 

 اتصال هاتفي مع الوطن والخط انكطع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زيكو

avatar

عدد المساهمات : 639
السٌّمعَة : 1
تاريخ التسجيل : 10/07/2009
العمر : 31

مُساهمةموضوع: اتصال هاتفي مع الوطن والخط انكطع   الثلاثاء سبتمبر 01, 2009 4:29 am





[size=24]
آسف الخط إنقطع

ألو ..
ألو ..
ألو ..

وطني .. حبيبي .. عمري ..
أرجوك ماأسمعك
بلكي تعلي الصوت
أسمع رصاص و بجي
وعبر الأسلاك الدمع
يوصل وريحة موت
أسمع صياح ولغط
ومناداه يا هَل الربع
خل نرفع التابوت
أسمع عياط ولطم
وأم تنعه يا هلَ الولد
يلغربت بسكوت
ويلكنت وكت المسه
بيدك تكود الكمر
وتصيرله زاتوت
ويلكنت شمعة عرس
من تنطفي الكهربة
خدك يضوي بيوت
وكان الدرب يستحي
ويلوذ من خطوتك
لو ردت مره تفوت
مـاخـاف لـيل اليجي
مادام في معصمي
يوليدي تضوي بتوت .

ألو ..
ألو ..
ألو ..

مــاأســمعـك يـاوطـن
بالخط إجت وشوشه
وإرتفع صوت القصف
وصوت أَبو يكل للولد
شـد روحـك بعـتبتك
يـولـيدي لا تنخـطـف
البارحه أعلِنَوا:
مجموعه ذبحت شمس
والصبح شفنه الصور
نشرتها كل الصحف
وأنباء أخرى إجت
عن إغتيال النهر
من سَيَّرْ إعله الجرف
والثالثه عن حقل
حركوا ا ثيابه ومشِوا
والحال ما تنوصف
ومن قبل أول أمس
طَوقوا بيت اللغه
وباكوا ا بقايا الحرف
شدينه إيد الشرف
والطيب والمرجله
وأطلقنه إيد العنف
ألو ..
ألو ..
ألو ..
يمكن الخط إنقطع
مَيْؤَوسْ من هل الوضع
ماينصلِح هل الظرف .


ألو ..
ألو ..
ألو ..

آسف ولا ينسمع
والصوت مو الأولي
الصوت أحس مرتبك
ذبـلان ورد الحجي
بشفافك ومنكتل
من حقي لو كمت أشك
آني عـرفـتك قبل
من تحجي ينزل رطب
والدنيا تمطر ضحك
وبكلشي أشوفك تهل
حتى الصبح من يجي
ويه الشمس تشترك
وما كان واحـد قبل
ياخذ ركبتك غفل
لو صار وكت العرك
وما بالَغِت لو قلت
كنت أويه موت النِزَلْ
لو زامطك تشتبك
والآن ياوطني:
دنكت لأصغر قزم
والكان يحلم قبل
يوصل الحَد الورك
معقوله ياوطني
إتخلي الكمر ينذبح
وسِتْر الشمس ينهتك؟ .

ألو ..
ألو ..
ألو ..

وطني .. حبيبي .. عمري
كن بلهاتك جَرِحْ
من تحجي أحِسْ مخننك
شــايل بكفك نــهـر
مـيت ونخله إنكـتل
مـــــــابـين إديـهـا العثك
شايـل بكفك وطــن
مذبوح من كل كتر
وبثوبـه ريحة حــرك
مـن كنت أبـوسك قبل
خـدك يوَرِد هـوى
ومـثل الكمر تعتلك
والآن ياموطني
دم بلبل براحِتك :
يابس وريحة كتل
توصلني كلما تمر
نسمه إعله جثة
العشك
هم شفت قبلك وطن
كتاله شعبه وزرَع
بثيابه مِيَتْ فتك ؟
إحجي أريدْ أسْمَعَك
مايسوه باقي العمر
لوما تكول الصدك
يلنعشَك إعله الجتف
شلته بعد ماشفت
كطعوك من العِرِك

ألو..
ألو ..
ألو ..

وطني .. حبيبي .. عمري
الليله كاس الحزن
أرد أشربه بصحتك
مرت سنه من قهر
وسنين راحت تجي
وأنت على حـالتــك
دورت بين الصور
كلت ألكة بلكت ولو
شي باقي من ضحكتك
وفجأة:
إتفَجِرَتْ قنبله
مزروعه وسط الصور
والدم ترَسْ راحِتك
ودخان عالي إرتفع
ما كمت أمَيّـز بعد
رجليك من هامِتك
كتلوك ياوطني
أهل الوجوه الصفر
واللي كرط ملحِتك
كابلني شيل النعش
أرد آني أدفنك وأرد
أحجيلهــــــم قصِتك
لكن غريب الأمر:
إشلون أدفن ضوه
وياكاع تكدر تلم
ياموطني جثتك؟
______[/s
ize]____________
الرجوع الى أعلى الصفحة اذهب الى الأسفل
حسين



عدد المساهمات : 23
السٌّمعَة : 0
تاريخ التسجيل : 31/08/2009
العمر : 51

مُساهمةموضوع: رد: اتصال هاتفي مع الوطن والخط انكطع   الأحد سبتمبر 13, 2009 2:15 pm

السلام عليكم...............
هذي قصيدة مراح اعلق عليها انتو احكمو وعلقو علا القصيدة وهل الفقر عيب؟؟؟؟؟؟؟؟؟؟

قصيدة الفقراء>>>>>>>>>>>>للشاعركاظم خبط الجبوري

يمه ذوله اهل القصر ما لاعبوني
يمه من شافوني جيت تنادسو واستغربوني
يمه ماسموني بسمي .. وگالو هذا ابن الفقير وشتموني
وگالو هذا ابن الصريفه وعيروني
يمه چا هو الفقير شسوه من نچله بعمرهم
يمه چا هيه الصريفه شماخذه وخايف قصرهم
يمه گالو لا تمر منا بعد بالك تشم ريحة وردنه
وگالو بجدمك الحافي نخاف يترب عگدنه
يمه عدهم كلشي عدهم واحنا بس الماكو عدنه
يمه لعابات عدهم مدري شنهي وانه لعاباتي طين
وحتى ثيابهم مستغربتني يعاتبن ثوبي الحزين
يمه چا ليش احنا فقره وهمه اهلهم زناگين
يمه دين الفقره متعب خل نبدله بغير دين
يمه دين الفقره متعب خل نبدله بغير دين

وليش ما عدنه قصر عالي مثلهم
موش ابونه اليبني قصورهم كل هاي السنين
وليش ما عدنه ورد يمه مثلهم
موش ابونه اليزرعلهم بساتين
يمه مو گلتيلي مره
يمه مو گلتيلي مره
ابن ادم اطباعه تهم ما يهم لونه
يمه مو گلتيلي
يمه مو گلتيلي
يمه ثاري بس الگمر بالدنيا يحبنه
علينه يسهر دوم ما غمض عيونه
يمه خاف الگمر هم ينباع والهم يشترونه
يمه خاف الگمر هم ينباع والهم يشترونه
الرجوع الى أعلى الصفحة اذهب الى الأسفل
زيكو

avatar

عدد المساهمات : 639
السٌّمعَة : 1
تاريخ التسجيل : 10/07/2009
العمر : 31

مُساهمةموضوع: رد: اتصال هاتفي مع الوطن والخط انكطع   الأحد سبتمبر 13, 2009 2:22 pm

مشكور اخويه مشاركت احلى
الرجوع الى أعلى الصفحة اذهب الى الأسفل
 
اتصال هاتفي مع الوطن والخط انكطع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طيور السلام :: منتدى اللغه العربيه :: قسم الشعر والخواطر-
انتقل الى: