aliraqstar
عدد المساهمات : 164 السٌّمعَة : 0 تاريخ التسجيل : 18/08/2009
| موضوع: الى الارهاب حصرا الإثنين أغسطس 24, 2009 7:06 pm | |
| رحم الله من قراء سورة الفاتحة المباركة الى روح الشهيد رحيم المالكي ----- باسمك يا عظيم ابدي بصريح القول غيرك مالي ناصر وحديتك رب وحب آل الرسول المنهج بدنياي ابحبهم للجليل وبيهم اتقرب أنه صاحب عقل ميزت وين الخير ما ساوي الفحم وي خرزة الكهرب شيعي ورافضي تسميني بعض الناس نعم رافض ظلمكم ما ابايع ضب بايعت الولي النصبه الرحمن قاطع راس عمرو وشاطر المرحب وهي بيعة ابشرف كملت هذا الدين سهلة على الشيعي وعلبعض تصعب خلهة الناس تحجي اشما تريد اتكول انه الراكب الصعبة وغيري ما يركب عندي الموت راحة وهذا درب حسين الذ من الشهد بشفايفي واعذب تكص بيه الناجل صار هاي اسنين والوالت الطاغي من العذب تشرب نصبتوا اله وحلليتوا اعليه من دمه العفن قرآنكم يكتب وانه عندي العمامة ثورة عالطاغوت وغيري ابخزنة الطاغوت ظل ينهب انه الشيعة العراق امن العرض للطول انا الكل مو جزء واليعترض جذب انه البيت كله وراعي هذا البيت أموت بساحتي وما اترك الملعب شربت الموت طوعاً ما شكيت ابيوم انا بسوح الاعدام وموتهة امجرب انه مضحي بمراجع تسوة عمرو وزيد صعدت عالمنابر والفشك يلهب قرابين شكثر قدمت لاجل الدين وآخرهن فجيعة كربلا الأصعب ودم البالنجف من خضب المحراب نهر دمنه ايتدفق ما رضوا ينضب رضوا ينسفك دمي وججدوا عاشور انه المطلوب دمي أمريكا مو مطلب ولا مسالة محتل واحنه نعرف زين اعين الدساديس وين تترتب وعلى يا وترتعزف شلّة الارهاب ونعرف ما تريدة وندرك المطلب ولكن لا وحك دم الشهيد الطاح بالمحراب يوم الصعد كلة البارية امخضب اذا فتوى اطلعت بيكم تميد الكاع ونكطعهة الجفوف المدت المخلب نعرفكم منو ونندل حياية البيت وندري ابيا مكان اتخوتل العكرب كفاكم دم ترة أزعل واليصير ايصير واحذروا من حليم القوم اذا يغضب يصفط روسكم فوك الجباه يدوس ويخلي ابدماكم يبحر المركب سامحنه وكلبنة اوراق يابو اوراق وعمرنا وبنينا والبعض خرب منزع ما بقة اقوس الصبر يا ناس امتلى صدر الرجال وغيضهم ضهضب ما ردنا الدمار واحنه ما بادين وحشاهة من التعب كوم هالمذهب لكن غيرنا ايريد الدمار ايصير وخف رجلة اعله طبل الفاينة واطرب مو ذنب اغلبية هذا واقع حال غصبن عالرضى والمارضى الأغلب غصبن عالرضى والمارضى الأغلب
الشاعر الشهيد ( رحيم المالكي ) | |
|
hakim aliraqi Admin
عدد المساهمات : 605 السٌّمعَة : 6 تاريخ التسجيل : 30/06/2009 العمر : 50
| موضوع: رد: الى الارهاب حصرا الثلاثاء أغسطس 25, 2009 2:21 am | |
| رحم الله شهيدنا الشاعر رحيم المالكي واسكنه فسيح جناته | |
|
vinto
عدد المساهمات : 86 السٌّمعَة : 0 تاريخ التسجيل : 10/08/2009 العمر : 36 الموقع : كوكب الارض
| موضوع: رد: الى الارهاب حصرا الثلاثاء أغسطس 25, 2009 11:30 am | |
| | |
|
aliraqstar
عدد المساهمات : 164 السٌّمعَة : 0 تاريخ التسجيل : 18/08/2009
| موضوع: رد: الى الارهاب حصرا الثلاثاء أغسطس 25, 2009 5:44 pm | |
| شكرا على مروركم الطيب على الموضوع
ورحمة الله الواسعة على الشهيد البطل رحيم المالكي | |
|
AQEEL
عدد المساهمات : 360 السٌّمعَة : 3 تاريخ التسجيل : 18/07/2009 العمر : 43 الموقع : www.youtube.com
| موضوع: رد: الى الارهاب حصرا الجمعة أغسطس 28, 2009 7:17 am | |
| تسلم الايادي عالاختيار الرائع | |
|
aliraqstar
عدد المساهمات : 164 السٌّمعَة : 0 تاريخ التسجيل : 18/08/2009
| موضوع: رد: الى الارهاب حصرا الجمعة أغسطس 28, 2009 12:04 pm | |
| ايدك السالمة اخوية عقيل
اتالك ان تكون الاول بالموقع والاول بالامتياز | |
|
جمانه
عدد المساهمات : 1269 السٌّمعَة : 3 تاريخ التسجيل : 24/07/2009 العمر : 36
| موضوع: رد: الى الارهاب حصرا الأحد أغسطس 30, 2009 7:04 pm | |
| يسلمووووووووو عالقصيده الحلوووووه
تحياااااااااتي | |
|