[مساء الخير شباب...مساء الخير بنوتات
حبايبي ليوم جايبلكم مجموععة من الابوذيات واتمنى من ربي
انو تنال رضاكم واعجابكم
وموتنسون ومتردون عالموضوع
تحياتي الكم
يطارش لو رحت لهناك مرهان
وخبرهم تراني بسجن مر هان
ان كان الزاد عندكم حلومرهان
شحلات الزاد لو تقعد سويه
جروحك للشمس ياقلب شرهن
وليالي السهر ماينحمل شرهن
الك عمري رهنته بعد شرهن
اذا حتى العمر ماعاد اليه
حبيبي مابدله بالذهب لو مال
وصيرله سند للحمل لو مال
خاف تقول تعب مني لو مل
اظل وياك لاخر نفس بيه
نشم عطرك يغالي من هوانه
ونحب كلمن يحبنه ومن هوانه
اشتظن نقدر نعوفك؟ منهو انه ؟
لو عفتك مصيبه تحل عليه
حبك بالضلع مسمار مندق
وحس قلبي يسولف بيك من دق
كمت اركض على الجوال من دق
لان ادري العزيز اتصل بيه
يغالي الذهب مايرهم وصف لك
وكتب شعر من قلبي وصف لك
تعال بقلبي مدرستك وصف لك
اذا تاخذ صفر اني انطيك ميه
سلامي للولف يا طير وصله
احبه من صدق محتاج وصله
كريم النسب وابن شيوخ اصله
ابن عز وكرم غالي عليه
يا عاذل لا تعذل النفس خلها
ولعلها تموت من بعد فراق خلها
لزم ايدي الطبيب وصحت خلها
المرض وسط القلب ما هو بايديه
هلا بالما نساه القلب مرة
وصدق كل ليالي جفاك مرة
شيضرك بالحلم لو تمر مرة
حبيبي انت وتظل غالي عليه
سهول الناس عندي وانت راسي
سفن غرقت في بحري وانت راسي
اخوي انت وصديقي وتاج راسي
واعز منك تراه ماكو علية
جمد كلبي على بابك مو عجيبه
عجبته وكلشي غيرك مو عجيبه
تره السبع العجايب مو عجيبه
صفر وي كارثه فركاك اليه
دمع عيني يحلو الطول هامل
شجاك الحبي يالمحبوب هامل
اذا فد ازعلك كول ها.مل
امل منك جذب يلعشت بيه
غيرج ما حله بعيني ولا طاب
ولا دونج دخل كلبي ولا طاب
يجرحي وياج لا هود ولا طاب
دم ينزف ولا تدرين بيه
عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه
صحبتك ليش قصرت ما طلتها
وانه الدنيا علمودك ما طلتها
جنتلك فرصه سهله ما طلتها
خسرتني بسبب بطرانك عليه
امش مملوح غيرك يمشي فاهي
وعجز يوصل لوصفك يم شفاهي
لون توصل شفاهك يم شفاهي
الزك لو تحط جيلات بيه
صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيليك يوم هم تحتاج فيه
اذوبن لو شفت مرة خيالج
اريد بلا شعور ادخل خيالج
انتي مهره وانه الجايج خيالج
وعلى درب العشك تمشين بيه
اجذب الكال عنك ومرة شفتك
العسل لسه بشفافي من رشفتك
الحذر لو ويه غيري مره شفتك
انتحر بيك واموتك بين اديه
كثير الهم على قلبي تراكم
وقصرتم وياي ياحبابي تراكم
كود العين كل لحظة تراكم
ولو بالطيف مرتكم عليه
والكم مني احلى وارق التحيات